БАГАЧ

БАГАЧ 2025

Дата і час - 28 верасня (нядзеля), пачатак у 12:30

Кошт - 12 бел руб. для дарослых i 6 руб. для дзяцей (6-12 гадоў)
Дзецям да 6 гадоў i пражываючым на тэрыторыі- ўваход бясплатны

У народным календары Багач прымеркаваны да заканчэння збору ўраджая (“к гэтаму часу ў кожнага ўсяго багата”) і да першага пасля лета запальвання хатняга агменю – яго сімвалізуе васковая свечка ў лубцы з жытам, якую ставяць на Покуць і захоўваюць там на працягу ўсяго года для забеспячэння багацця і шчасця гаспадарам. Зерне ў лубку ссыпалі па жменьцы усёй вёскай пад час урачыстага абыходу. Сам Багач аддавалі на захаванне маладой пары, што пабраліся сёлета шлюбам, альбо самай удалай сям'і ў вёсцы. З гэтага зерня пачыналі засяваць на новае лета і верылі, што ўраджай будзе выдатны!

Асноўнай дзеяй свята з'яўляецца ссыпанне агульнага Багача, таму мы зноў прапануем усім нашым гасцям захапіць з сабой па жменьцы зерня, каб адчуць сябе удзельнікамі свята, а не проста гледачамі.

У праграме свята:

• урачыстае шэсце і абрадавае дзеянне;
• беларускія народныя танцы і жывая інструментальная музыка;
• выступы фальклорных гуртоў;
• кірмаш і атмасферныя фота-зоны;
• майстар-класы па рамёствах і шмат іншага.

ПРАГРАМА:

12.30 Пачатак свята, працуе кірмаш, фота-зоны

13.00-14.30 Урачыстае шэсце, абрадавае дзеянне - абыход вёскі з Багачом ,святочны канцэрт ад гуртоў (жніўныя і восеньскія песні з розных этнаграфічных рэгіёнаў Беларусі), частаванне гасцей свята

15.00-18.00 Беларускія народныя танцы і інструментальная музыка

14.30-16.00 Асобныя выступы гуртоў на розных пляцоўках, прагучаць народныя песні

15.00 - 17.00 Майстар-класы па рамёствах   

Праграма можа мяняцца, але настрой будзе заўсёды на вышыні!